Durrës/ Do sillte naftë ruse në Shqipëri duke thyer sanksionet, sekuestrohet me urdhër prokurori anija me 22.5 mijë ton naftë! Arrestohet kapiteni i anijes

Është sekuestruar me urdhër të prokurorit Drini Pali anija me më shumë se 22 ton naftë, e cila u bllokua pak ditë më parë 6 milje larg Portit të Durrësit dhe dyshohet se vinte kontrabandë nga Rusia. Megjithëse urdhri ishte firmosur më datë 24 shkurt, ekzekutimi është kryer një ditë më parë për shkak të motit të keq. Ndërkohë policia ka arrestuar kapitenin e anijës, ndërsa 24 marinarët janë në anije

1 Mars 2023, 11:03| Përditesimi: 1 Mars 2023, 12:28

  • Share

DURRËS- Është sekuestruar me urdhër të prokurorit Drini Pali anija me më shumë se 22 ton naftë, e cila u bllokua pak ditë më parë 6 milje larg Portit të Durrësit dhe dyshohet se vinte kontrabandë nga Rusia. Megjithëse urdhri ishte firmosur më datë 24 shkurt, ekzekutimi është kryer një ditë më parë për shkak të motit të keq. Ndërkohë policia ka arrestuar kapitenin e anijës Aleksei Smaznov me pasaportë ruse, ndërsa 24 marinarët janë në anije.

Më 20 shkurt, u bë i ditur lajmi se 6 milje larg portit të Durrësit prej ditësh ishte bllokuar nga autoritetet, anija çisternë "Grace Felix" me 22.500 ton naftë kontrabandë në bordin e saj. Anija kishte destinacion "Romano Port" ku do të shkarkonte ngarkesën për llogari të kompanisë shqiptare "Bella Gaz" me pronar Ilir Bellën. 

Autoritetet doganore dhe ato policore dyshojnë se nafta është me origjinë nga Rusia, ndërsa ka dyshime se ngarkesa shoqërohet me dokumente false. Burimet thane se anija është ngarkuar në Azerbaixhan me naftë ruse në një kohë që drejtuesi i anijes deklaron se ngarkesa është marrë në portin grek të Kallamatës nga një tjetër anije çisternë.

M.Q.//ReportTv.al
Komento

Komente

  • Iris: 01/03/2023 23:45

    Nese vertetohet qe kemi te bejme me nafte ruse,po ndonje mase do te merret per kompanine porositese /BELLA GAS/ dhe pronarit te saj,I.Belles? Ne opinionin tim,ky pronar dhe firma e tij, jane po aq fajtore sa kapiteni i anijes,sepse te dy kane thyer me vetedije sanksionet dhe embargon,njeri duke e porositur,e tjetri duke e tranportuar,pa llogaritur akuzat e tjera!

    Përgjigju
  • Arbëri: 01/03/2023 12:11

    Deri më sot kan ardhur me dhjetra mija ton naft nga Rusi në Shqipëri, Pyetne Kryeministritn shqipfolës prorus dhe do ju ”tregon” se si e ndihmon Putinin në luft kunder Ukraines së bashku me vllaun e tij vucic

    Përgjigju
    • Pjeter: 01/03/2023 12:55

      Hahaa,pa tjeter o zedhensi i Saliut!! Nga nje here duke lexua ato komentet e tua,duket sikur lexon mendimet e satrapit Sali!!!

  • Sondazhi i ditës:

    Vrasja e 14 vjeçarit, çfarë duhet të bëjë Shqipëria me TikTok e Snap Chat?