Ky është momenti i shembjes me tritol të resortit ‘Saint Michelle Residence’, në fshatin Shetaj të Ishmit në Durrës, për të cilin është arrestuar nga Policia ish-kryeinspektori i IMT-së në Bashki, Ardian Halili, pasi e ka ndërtuar pa leje gjatë kohës që ishte në detyrë.
Policia e Durrësit dha detaje mbi arrestimin e Ardian Halilin, ish-kryeinspektorit të Inspektoratit të Mbrojtjes së Territorit në qytetin bregdetar. Sipas bluve, ish-zyrtari, u kap duke kryer punime ndërtimi pa leje në subjektin e tij “Sent Michele Residence” në fshatin Shetaj të Ishmit në vijën bregdetare pranë Kepit të Rodonit.
Policia sqaroi se i gjithë objekti i pushimit, me 11 kabina tip garsionere, një godinë 2 katëshe, një fushë mini-futbolli, pishinë në një sipërfaqe toke 5.600 m2 është ndërtuar pa leje prej vitit 2018 e në vijim, gjatë kohës kur Ardian Halili ka ushtruar funksionin e Kryeinspektorit të IMT-së në Bashkinë Durrës, deri në vitin 2021.
Blutë e Durrësit njoftuan se ish-kryeinspektori do të hetohet nga SPAK për 3 vepra penale: "Ndërtim i paligjshëm me qëllim përfitimi", "Korrupsion i zyrtarëve të lartë" dhe "Shpërdorim i detyrës".
Ish-kryeinspektori 55-vjeçar me banim në Tiranë është, njëkohësisht është bashkëshort i ish-prokurores Rabjana Halili, sot avokate e që njihet për mbrojtjen e Emiljano Shullazit.
Komente
Mund te merrej nje takse/gjobe per 5 vite... pastaj ja prishje.. ca u fitua, aty djerre eshte perseri..
Përgjigju