Një 53-vjeçar ka rënë në prangat e policisë pasi përpunonte në banesë lëndë narkotike kanabis duke e ndarë në doza me qëllim shitjen. Sipas policisë, u arrestua në flagrancë në kuadër të ‘Tempulli 2’, Ardi Rexhepi, banues në fshatin Xhafzotaj.
‘Përpunonte në banesë, lëndë narkotike, duke e ndarë në doza, me qëllim shitjen, arrestohet në flagrancë 53-vjeçari.
Sekuestrohen një sasi lënde narkotike cannabis sativa në formë boçeje, 1 grirëse dhe 2 kallëpe metalike të cilat dyshohet se përdoreshin për grirjen dhe ndarjen e lëndëve narkotike në doza.
Në vijim të kontrolleve të bazuara në inteligjencën policore dhe të kryera në kuadër të megaoperacionit antidrogë të koduar “Tempulli 2”, specialistët për Hetimin e Trafiqeve dhe Narkotikëve të DVP Durrës, kanë ushtruar kontroll në banesën e shtetasit A. R., në fshatin Xhafzotaj.’, thuhet në njoftimin e policisë.
Gjatë kontrollit nga policia në banesën e 53-vjeçarit në Xhafzotaj u gjetën dhe sekuestruan një sasi e dyshuar kanabis sativa, 1 makineri dhe 2 kallëpe metalike. Rexhepi arrestohet për veprën penale prodhim dhe shitje narkotikësh.
‘Gjatë kontrolleve në banesën e këtij shtetasi, shërbimet e Policisë kanë gjetur një sasi lënde të dyshuar narkotike cannabis sativa, 1 makineri dhe 2 kallëpe metalike të cilat dyshohet se përdoreshin për grirjen dhe ndarjen e lëndëve narkotike në doza.
Në përfundim të veprimeve procedurale për këtë rast, u arrestua në flagrancë shtetasi A. R., 53 vjeç, për veprën penale “Prodhimi dhe shitja e narkotikëve”.’
Ardi Rexhepi rezultoi nga veprimet hetimore se lëndën narkotike e përpunonte në banesë pasi e siguronte në sasi dhe e shiste më pas në afërsi të shkollave dhe në lagje të ndryshme të Durrësit.
‘Nga veprimet hetimore dyshohet se ky shtetas siguronte lëndë narkotike në sasi, i përpunonte në banesë dhe i ndante në doza, me qëllim shitjen në afërsi të shkollave dhe në lagjet e qytetit të Durrësit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.’, thuhet më tej në njoftimin e policisë.
