Durrës- Një 25 vjeçar është vënë në pranga nga policia e Durrësit, pasi shiste lëndë narkotike në zonën e plazhit dhe në lokale nate në këtë qytet.
Specialistët e Seksionit për Hetimin e Narkotikëve të DVP Durrës, si rezultat i kontrolleve, kanë kapur në qytetin e Durrësit dhe kanë arrestuar 25 vjeçarin me inicialet A. K., banues në Durrës, i cili ishte në kërkim prej shtatorit të viti 2023 në kuadër të megaoperacionit 'Tempulli'.
Megaoperacioni 'Tempulli' u ndërmor në disa qytete kryesore më 14 shtator 2023, duke çuar në pranga 233 persona si anëtarë të 23 grupeve kriminale që merreshin me shpërndarjen e drogave në afërsi të shkollave apo godinave banimi.
‘Ky shtetas është shpallur në kërkim në muajin shtator të vitit 2023, për veprën penale "Prodhimi dhe shitja e narkotikëve", pasi dyshohet se shiste lëndë narkotike në zonën e plazhit dhe në lokale nate, në qytetin e Durrësit’, njoftoi sot policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Komente
