Durrës-Një drejtues automjeti është vendosur në pranga pasi në gjendje të dehur tentoi të të korruptonte punonjësit e Policisë Rrugore në Durrës.
“Gjatë monitorimeve të akseve rrugore për parandalimin e aksidenteve dhe rritjen e parametrave të sigurisë së jetës në rrugë, shërbimet e Policisë Rrugore të Durrësit kanë ndaluar automjetin me drejtues shtetasin A. E, pasi ka konstatuar që kryente lëvizje të çrregullta gjatë lëvizjes në rrugë.
Në momentin që punonjësit e Policisë i kanë kërkuar dokumentacionin e automjetit dhe i kanë kërkuar për të kryer testin e alkoolit, Drejtuesi i automjetit duke qenë se drejtonte automjetin në gjendje të dehur iu ka afruar para punonjësve të Policisë rrugore me qëllim mos kryerjen e testit të alkoolit”, informoi sot policia.
Më tej në njoftimin e policisë thuhet se gjatë muajit gjatë muajt Janar, Rrugorja e Durrësit dhe e Kavajës, ka vënë në pranga 7 drejtues automjetesh për tentativë për të korruptuar punonjësit e Policisë si dhe 14 drejtues automjetesh për drejtim të automjete në gjendje të dehur.
Policia Rrugore e Durrësit apelon për të gjithë përdoruesit e rrugës që të zbatojnë në mënyrë rigoroze rregullat e qarkullimit rrugor.
Komente
Hajde budall hajde, ne kohen e Sales pranonin 10 euro policat, tani me 100 dhe pa tja hedhesh.
Përgjigju