DURRËS- Dy persona kanë rënë në prangat e policisë për shkak se akuzohen për 7 raste vjedhjesh me forcë të varseve të floririt.
Të arrestuarit janë E. T., 34 vjeç banues në fshatin Arapaj, Durrës si dhe A. G., 35 vjeç, banues në Durrës i cili ka qenë i shpallur në kërkim, pasi Gjykata e Kavajës kishte caktuar masën e sigurisë "Arrest në burg" në mungesë, për veprën penale "Vjedhja".
Ata kanë rënë në prangat e policisë pasi në mesditën e datës 10 dhjetor në lagjen Nr. 16, Durrës, në bashkëpunim me njëri-tjetrin, në hyrje të pallatit i kanë marrë me forcë një varëse floriri 68-vjeçarit , I. T., dhe janë larguar nga vendi i ngjarjes me automjetin tip “Opel” që e përdornin për të realizuar vjedhjet.
Më pas nga veprimet hetimore të kryera duke përdorur edhe metodat proaktive rezultoi se këta persona në bashkëpunim me njëri-tjetrin gjatë dy muajve të fundit kanë realizuar 7 vjedhje të varëseve në lagje të ndryshme të qytetit dhe konkretisht:
-Më datë 12.12.2019, në lagjen Nr. 5, Durrës, kanë vjedhur varësen e shtetases P. G., 64 vjeçe;
-Më datë 04.11.2019, në lagjen Nr. 12, Durrës, kanë vjedhur varësen e floririt të shtetases D. M., 66 vjeçe;
-Më datë 27.10.2019, në lagjen Nr. 13, Plazh, kanë vjedhur varësen e floririt shtetases F. T., 67 vjeçe;
-Më datë 23.10.2019, dyshohet se i kanë vjedhur varësen e floririt shtetases H. A., 68 vjeçe;
-Më datë 15.10.2019, në lagjen Nr. 12, Durrës, kanë vjedhur varësen e shtetases T. B., 71 vjeçe;
-Më datë 10.10.2019, në Rrashbull, kanë vjedhur varësen e floririt shtetases V. H.
Në cilësinë e provës materiale u sekuestrua mjeti tip "Opel" që e përdornin për t’u larguar nga vendi i ngjarjes.
Komente
Ti dërrmojn shpejt baj gat burg me pune të detyruar qe të kuptojne se jetohet me pune dhe jo me të vjedhur. Çoini të punojne ne miniere, rruga-ura, pyllezim etj dhe paratë e rroges tu jepen atyre qe i kanë demtuar. Kjo do të ishte drejtesi e lartë nepermjet mesimdhenies!
Përgjigju