Kryeministri Edi Rama mbajti fjalën e tij në ceremoninë e 105-vjetorit të shpalljes së Tiranës kryeqytet. Rama foli gjatë mbi arrestimin e Erion Veliajt. Ai tha se PS është e vetmja forcë në Ballkan dhe BE e cila nuk ka komentuar lëvizjet e drejtësisë së re. Dhe për këtë nuk shfaq pendesë.
Më tej nxori në pah atë që e quan llumi, dy ekstremet që kërkojnë që SPAK të dënojë këdo vetëm pse është person publik dhe nga ana tjetër ata që shajnë prokurorët.
'Ngritja e llumit të gojës në piedestal, triumfi i shpifjeve dhe akuzave të çdo lloj personi për të vetmin faj, që është person publik. Dhe në ato udhëkryqe i sfidoj të bëjnë që nuk e bëjnë asnjëherë një kërkim, le atë gjejnë një forcë tjetër politike në Europën ish lindore. Në rajon nuk kanë për ta gjetur. Ta gjejnë në vende sot ne BE, një forcë që në vjet resht ka qepur gojën dhe vetëm ka thënë ecni përpara, godisni majtas godisni djathtas. Ka ndarë në mënyrë vetëmohuese. Ka marrë kosto, vetveten nga drejtësia. Nuk ka.
Rasti i freskët, miku im ish presidenti i Francës. Hyn del, dënohet, nëpër gjyqe, shkon në televizion dhe ku i dhëmb e ku i djeg prokurorëve në Francë. Nuk ka. Nuk kam asnjë pendesë për këtë. Por ama sot jemi në kushtet kur gjithçka rrezikon të degradojë në një drejtësi aktiviste. Në këtë hapësirë janë ata që bërtasin gijotinë për të gjithë. çdokush që merret me politikë, është një kriminel, hajdut që duhet varur. Dhe janë dhe armiqtë e reformës në drejtësi që çdo natë sulmojnë prokurorët e SPAK. Këto janë dy ekstreme. Nuk jemi as tek njëri dhe as tek tjetri. Duhet të kërkojmë përgjegjshmëri. Jo duke thënë ne. Duke kërkuar përgjegjshmëri.'
Lajmi kryesor:
Arrestimi i Veliajt/ Rama në ceremoninë e 105-vjetorit të Tiranës kryeqytet: Ajo që ndodhi dje kaloi çdo limit! Në proces jam dëshmitar si janë intimiduar personat
G.K/ReportTv.al