Kombëtarja U-21 e Futbollit i ka mbyllur me barazim eliminatoret e Europianit pasi është ndalur me shifrat 2-2 në transfertë kundër Estonisë. Kuqezinjtë e drejtuar nga Bushi kaluan dy herë në avantazh, por në fund nuk arritën të dilinin me fitore.
Golin e parë të Taulant Seferit në fillim të ndeshjes e zhvlerësoi Livak në minutën e 32 pas një gafe të mbrojtjes kuqezi. Në fundin e pjesës së parë estonezët patën mundësinë për të kaluar në avantazh, por Livak gaboi nga pika e bardhë e penalltisë.
Në fraksionin e dytë të lojës sërish Seferi i dha epërsinë kombëtares së shpresave, por pak minuta nga fundi i kohës së rregullt, Kusk shënoi golin e dytë për vendasit që njëkohësisht vulosi edhe ndeshjen.
Përfundojnë në këtë mënyrë eliminatoret e Europianit, me Shqipërinë që renditet në vendin e 5 me 7 pikë, 5 më shumë se Estonia e vendit të fundit dhe 4 me pak se Islanda e vendit të katërt.
Komente
