Tre javë më parë u përdhunua një turiste italiane 18-vjeçare në plazhin e Durrësit e cila u mashtrua nga “besa” dhe mikpritja në Durrës.
Përtej elementëve të tmerrshëm të krimit, ajo që më tronditi më shumë ishin 90% e komentuesve që shkruanin kundër vajzës italiane dhe mbështesnin autorin e krimit që ishte roja e plazhit dhe meqë e kishte gjetur të dehur nga alkoli buzë detit, i “legjitimohej” të bënte çdo gjë me minorenen italiane.
Pa kaluar tre javë…Vdekja e italianit 44-vjeçar, Edoardo Sarchi, administrator i kompanisë italo-shqiptare Tegola Edilcentro, në mes të natës në Salari të Tepelenës, është më shumë se një tragjedi e izoluar. Ajo është një sinjal alarmi, një kambanë që bie mbi një vend ku krimi i organizuar dhe pandëshkueshmëria kanë ndërtuar murin e tyre të hekurt përpara zhvillimit.
Në vend që të flasim për fabrika, punësim dhe investime, jemi sërish dëshmitarë të një skenari të njohur: një biznesmen i huaj i gjetur i pajetë në rrethana të errëta, dëshmi kontradiktore, me disa të shoqëruar dhe të liruar brenda pak orësh, prova të mjegulluara, e mbi të gjitha heshtje nga institucionet. Ngjarja ngjan me një teatër grotesk ku aktorët ndryshojnë versionet e tyre, ndërsa e vërteta mbetet në prapaskenë.
Biznesmeni italian ishte mysafir dhe ishte ftuar nën besën e ortakëve të tij për gjah në zonën e Tepelenës.
Një vend që shoqëria nuk mbron jetën e investitorëve të huaj, nuk mund të pretendojë të mbrojë kapitalin e tyre. Çdo gur që një biznesmen si Sarchi vendos mbi themelet e ekonomisë, rrezikon të shembet në baltën e pandëshkueshmërisë. Shqipëria, në vend që të shfaqet si tokë mundësish, po ngjan gjithnjë e më shumë me një fushë gjahu ku kapitali i huaj bëhet pre e errësirës.
Nga Tepelena deri në Tiranë, nga fabrika e tullave te korridoret e prokurorisë, mbizotëron e njëjta panoramë: mungesë transparence, mungesë përgjegjësie, mungesë drejtësie. Nëse Sarchi vdiq nga një aksident i rastësishëm apo nga një vrasje e planifikuar, kjo ende nuk dihet. Por një gjë është e qartë: mënyra se si shteti shqiptar trajton këtë çështje është po aq fatale sa plaga që i mori jetën.
Çdo investim i huaj që hyn në Shqipëri ngjan me një kështjellë të ndërtuar mbi rërë. Sa herë që krimi sfidon ligjin dhe del i padënuar, themelet e kësaj kështjelle shemben, duke lënë pas vetëm pluhur, gjurmë gjaku dhe frikë.
Por kjo panoramë nuk ndalet te investitorët. Tre javë më parë, turistja italiane 18-vjeçare u përdhunua në një plazh shqiptar – një krim i rëndë, i shoqëruar nga e njëjta heshtje e zakonshme. Ndërsa shteti nuk garanton siguri, shoqëria shqiptare shpesh rrëshqet drejt normalizimit të tmerrit, sikur këto akte të ishin thjesht lajme të përditshme dhe jo plagë që gjakosin imazhin e vendit.
Nëse vrasja e një biznesmeni italian dhe përdhunimi i një turisteje trajtohen si episode të zakonshme, atëherë Shqipëria nuk është më një destinacion i investimeve apo turizmit, por një terren ku krimi mbillet dhe heshtja e ujit e bën të lulëzojë.
Ndoshta besa dhe mikpritja shqiptare, janë një virtyt që i përket shekullit kaluar.
Komente
KE TE DREJTE KRESHNIK..QEVERIA NUK CAN KOKEN PER KETO KRIME.. A THUA SE U VRA NJE MIZE.....SHTETI DUHEJ TE ZBARDHTE NGJARJEN NE 24 ORE.....SSALIU E THA KUSH ESHTE VRASESI....AI KA INFORMACION...TE DETAJUAR.....NDIQNI ATA QR THOTE SALIU SE JANE VRASES....
PërgjigjuAta qe e kane shoqeruar e kane vrare.. e thjeshte..
PërgjigjuAma kur flet edhe ky per besen e normat.. vaj halli
PërgjigjuPo nqs ky ka shkelur kodin e mikpritësit?? Se këta të huajt, vijnë në Shqipëri dhe i presin si perëndi, ashtu si e kërkon zakoni. Por këta mikpritjen e marrin si dobësi, dhe rastet e abuzimit me mikpritjen janë pa fund.
PërgjigjuPo nuk bote politike me vdekjen Keta gjitholloget
PërgjigjuDole edhe ti te na tregosh besen?! Pse vetem ne Shqiperi ndodhin keto?! Sa shqiptare vriten ne Itali ne vit?
PërgjigjuKreshnik, 'Besa'eshte dicka e sajuar per ate qe ka munguar. Ku egziston Pabesi duhet vene nje rregull balancues. Dhe per kete shpiket Besa. Pse nuk ka qene i nevojshem aplikimi i 'Beses' per shembull ne Voskopoje apo ne Kavaje, Gjirokaster apo Berat?? Thjesht se atje ka qene nje rregull apo ligj i kohes dhe te gjithe kane vepruar duke respektuar ate. Per çudi ato vende kane patur me shume zhvillim ekonomik se vendet me te ashtuquajtur 'Bese". Keqardhje per E.Rama qe e perdor kete element. Per mua eshte qesharak dhe i pavlere.
PërgjigjuFiks Te pakten ne shekullin 20 dhe 21 besa ne Shqiperi nuk ka ekzistuar,thjesht u takon legjendave me Gjergj elez aline Kush përmend shprehjen per bese,e sigurte qe po ta fut E njëjta gje dhe me ashtuquajturin kanun qe vetem kanun nuk eshte sepse vrasin gra dhe femije,punësojnë per kete pune deri dhe portogeze