Dy kontingjente të "Forcave Speciale" për në misionin “Resolute Support” në Afganistan janë nisur nga Shqipëria.
Ministrja e Mbrojtjes Olta Xhaçka ka publikuar fotot e tyre duke u uruar sukses në vendin që po shkojnë të mbrojnë. Kontingjenti i Forcave Speciale do të vijojë shërbimin në Bagram, ndërsa trupat e batalionit të III të këmbësorisë do të shërbejnë në Aeroportin e Kabulit.
"Detyrimet e Shqipërisë ndaj NATO-s vijojnë pavarësisht pandemisë. Dje përcollëm dy kontingjente për në misionin “Resolute Support” në Afganistan. Kontingjenti i Forcave Speciale do të vijojë shërbimin delikat në Bagram, ndërsa trupat e batalionit të III të këmbësorisë do të shërbejnë në Aeroportin e Kabulit. Suksese djema dhe u kthefshi shëndoshë e mirë", ka shkruar Xhaçka krahas fotove.
