Tirane- Një konflikt mes personave në dy makina në afërsi të rrethrrotullimit të Vorës ka përfunduar me përdorimin e armës së zjarrit.
Ngjarja është regjistruar sot (24 shtator 2024) rreth orës 17:40, në afërsi të rrethrrotullimit të Vorës
Ka patur një konflikt mes shtetasve Arbër Gurakuqi, 25 vjeç, e Ermir Labe, 39 vjeç, të cilët lëviznin me një mjet "Volksëagen Golf 5", dhe shtetasit të identifikuar me inicialet J. L., 31 vjeç, që lëvizte me një mjet tip "BMW".
Gjatë konfliktit nga automjeti tip "BMW" dyshohet se është qëlluar një herë me armë zjarri në ajër. Nga e shtëna me armë zjarri nuk ka persona të dëmtuar' informoi sot policia e Tiranës.
Shërbimet e Policisë po punojnë për kapjen e personit që ka qëlluar me armë, ndërsa grupi hetimor po punon për sqarimin e rrethanave të ngjarjes.
Nga disa informacione por ende të pakonfimuara mësohet se të rinjt kishin caktuar me telefon Vorën si vend takim, për të sqaruar një konflikt të mëparshëm që dyshohet se kishte lidhje me një çështje borxhi.
Komente
Shume me rendesi marka e automjeteve.
Përgjigju