Dy supergola i kanë dhënë Realit fitoren në javën e 5 të La Liga-s kundër Espanyol. Në Bernabeu ishte fillimisht mbrojtësi Militao që zhbllokoi shifrat me një të djathtë ‘snajper’, që përfundoi vetëm në fundin e rrjetës. Pjesa e parë u mbyll me këtë rezultat, ndërsa në të dytën nuk kishte si të mungonte Kylian Mbappe. Francezi nga jashtë zone la të shtangur portierin e katalanasve, i cili vetëm sa nxorri topin nga rrjeta. Kjo fitore e ngjiti Realin në kuotën maksimale të pikëve, 15, ndërsa për Mbappen ky ishte goli i 5 në po kaq ndeshje në La Liga.
Në Bundesligë Harry Kane vijon të realizojë me ritme të frikshme. Anglezi kompletoi ‘tripletën’ në ndeshjen 1-4 që Bayern fitoi kundër Hoffenhaim. Kampionët në fuqi njohin vetëm fitore në 4 javët e para në kampionat, ndërsa për Kane ky ishte goli i 8 në Gjermani deri më tani.
Komente
