Juventusi ka konfirmuar se Paulo Dybala është shëruar plotësisht nga Covid-19, pasi testi i tij i fundit doli negativ.
Përfaqësuesi i Argjentinës ishte lojtari i tretë i Juventusit që doli pozitiv për koronavirus në mars, pas Daniele Ruganit dhe Blaise Matuidit.
Megjithatë, derisa Rugani dhe Matuidi u shëruan më 15 mars, Dybalas iu desh kohë më e gjatë për ta larguar plotësisht virusin.
Juventusi konfirmoi këtë mbrëmdje përmes një komunikate se Dybala i është nënshtruar një testimi të dyfishtë i cili ka dalë negativ.
Ai është plotësisht i shëruar tani dhe mund të largohet nga vetizolimi 45 ditor, për t’iu kthyer stërvitjeve.
“Fytyra ime e thotë vetë, më në fund jam shëruar nga Covid-19”, shkroi Dybala në Instagram.
Komento
