Tre vitet e ardhshme në futboll, nëpërmjet një strategjie, do të jenë të dedikuara për futbollin e vajzave. Projekti në fjalë, i ndërtuar në bashkpunim mes FSHF-së, UEFA-s dhe FIFA-s, konsiston në dyfishimin e numri të vajzave në Shqipëri të cilat merren në futboll. Nga 2 mijë aktualisht në 4 mijë, si dhe krijimin e kampionateve të moshave për vajza si U-15 dhe U-17.
“Kjo strategji, për realizimin e saj, mbështet në ndryshimin e infraskturës dhe krijimin e kushteve më të mira për vajzat, në promovimin e futbollit të vajzave, në përmirësimin e elitës siç është Vllaznia apo ekipi kombëtar, por shtimi i numrit të vajzave të cilat merren me futboll,”-u shporeh Armand Duka, kreu i FSHF-së.
Ky projekt do të prekë edhe shkollat, që deri më tani kanë përqafuar organizimin e klasave sportive të volejbollit dhe basketbollit.
“Jam e bindur se edhe kjo strategji, rising stars, ka komponentin e saj në investimin e ekipeve të shkollave të vajzave në futboll,”-tha Ogerta Manastirliu, ministre e Arsimit dhe Sportit.
Ndër të tjera qëllimi është për të rritur edhe nivelin, ndaj janë parashikuar edhe bashkpunime me klube të njohura.
