Kolonja mbetet një nga atraksionet më të njohura turistike në vend, për bukuritë që ofron, traditën e kulinarinë. Viti që lamë shënoi numër rekord prej 28 000 turistësh, ç’ka kërkon më shumë investime sidomos në njësitë akomoduese.
"Jemi pak më shumë se dyfishuar nga 2022 e mbi trefishuar nga 2021. Po ndërrojmë këndvështrim. Jo si të bëjmë reklamë që njerëzit të na vijnë por si të shkojmë drejt cilësisë, rritjes së numrit të akomidimeve. Numri është por a i ofrojmë atë që duhet? Është gati dyfish numri i qëndrimit nga ai i kalimit ", thotë Erion Isai, kryebashkiak.
"Numri i turistëve si të huaj dhe vendas ka qenë në rritje. Me hapjen e hotelit të ri e shohim se jemi më të ngarkuar. Të dyja llojet e turistëve janë. Turistët vendas vijnë nga Shqipëria e mesme, një pjesë edhe nga veriu, kurse turistët e huaj dominojnë gjermanët, çeke, polake”, thotë Edi Bilo, operator turistik.
Kolonja, e veçanërisht fshati turistik i Rehovës është destinacion i frekuentuar më së shumti në verë nga turistë të huaj nga Evropa Qendrore dhe ajo Lindore.
Komente
Dyfishohen turistet ne Kolonje....hahahaha ca s nigjon!!
Përgjigju