Policia e Kosovës ka shkuar ditën e sotme në shfaqjen “Big Brother VIP Kosova” ku ka zhvilluar disa kontrolle pas raportimeve se në hapësirat e shtëpisë po konsumoheshin lëndë të të cilat dukeshin si substanca të ndaluara. Por drejtuesi i shfaqjes i ka bërë me dije se bëhej fjalë vetëm për duhan të mbështjellë.
Pavarësisht kësaj, produksioni mori masa që të mos konsumohet më një lloj i tillë duhani pasi në publik jepej ideja se po promovoheshin substanca të ndaluara.
“Megjithatë, ne kemi marrë masa që të eliminohet krejtësisht nga hapësira e shtëpisë së spektaklit duhani i llojit të tillë, i mbështjellur, me qëllimin që të shmangim edhe sugjestionimin eventual se në këtë mënyrë po promovohen substanca të ndaluara”, ka njoftuar drejtuesi i televizionit ku transmetohet shfaqja.
Komente
