Banesa e Aleksandër Lahos, i njohur ndryshe edhe si Rumi i Shijakut, është kontrolluar nga policia pak ditë më parë me qëllim arrestimin e tij. Forcat e rendit kishte dyshime s i kërkuari ndodhej aty, por Laho nuk është gjetur.
Aty ndodhej vëllai i të kërkuarit i cili është shoqëruar nga forcat e rendit dhe pasi është marrë në pyetje është kthyer në shtëpi pasi nuk iu gjet asgjë e paligjshme. Gjatë veprimeve në zonë, policia ka kryer kontrolle të automjeteve dhe personave të dyshuar për aktivitet kriminal duke vënë në pranga një person me armë pa leje i cili nuk ka lidhje me Rrumin.
Aleksandër Laho është shpallur në kërkim për pengmarrjen e dy vëllezërve Beqiraj të cilët dyshohet se e kanë vëzhguar për ti bërë atentat si dhe për dosjen e abuzimit me pronat në Gjirin e Lalzit.
Rrumi është një personazh i njohur për drejtësinë shqiptare. Ai rezulton i shpallur në kërkim nga Policia e Durrësit si i dyshuar në pengmarrjen e 2 vëllezërve Beqiraj të cilët dyshohet se janë përfshirë në një sërë ngjarjesh kriminale, përfshi edhe mbajtjen nën vëzhgim të Rrumit.
Nga arrestimi i dy vëllezërve Beqiraj dhe dëshmia e tyre janë zbardhur disa atentate. Vëllezërit Beqiraj kishin planifikuar edhe vrasjen e Rrumit të Shijakut. Edhe pse zyrtarisht policia nuk e ka përfshirë në këto atentate të zbardhura rezulton se vrasja e Manecit ishte një atentat i planifikuar për ekzekutimin e Aleksandër Lahos, apo Rrumi i Shijakut. Por nga ky atentat i 18 majit 2021, mbeti i varë vetëm Manecu, pasi në ato momente Aleksandër Laho nuk ishte më të. Maneci dhe Rrumi i Shijakut prej vitesh ishin miq me njëri-tjetrin.
Po ashtu, Rrumi i Shijakut ka qenë i pranishëm edhe në momentin kur i është bërë atentat prokurorit Arian Ndoja në 1 nëntor të vitit 2021. Ata po udhëtonin në një makinë më 1 nëntorit 2019 në autostradën Tiranë-Durrës. Në këtë atentat Rrumi dhe prokurori u plagosën, ndërsa humbi jetën shoferi Andi Maloku.
Komente
Me te lumte Iljaz Hasanbelliu! Aka Don Laze. Nuk te duall keq shoqnia me Ramen. Policine e ka personale tashme dhe tall menderen me Rrumin.
Përgjigju