Një ngjarje e rëndë ka ndodhur në shtetin fqinj, Greqinë, ku një pacient 60 vjeç me origjinë shqiptare i infektuar me COVID-19, i shkaktoi vdekjen një pacienti tjetër, duke i fikur respiratorin pasi e shqetësonte zhurma.
Burri 76-vjeçar me origjinë greke, sipas mjekëve humbi jetën në rrethana tepër të pashpjegueshme pasi gjendja e tij shëndetësore ishte drejt përmirësimit.
Vetëm pas hetimeve të kryera zbuluan se 60 vjeçari shqiptar i kishte fikur respiratorin, duke i shkaktuar vdekjen si pasoje e mungesës së oksigjenit.
Veprimin e rëndë shqiptari e justifikoi me pretendimin se e bezdiste zhurma e respiratorit.
Për shkak se aktualisht është i infektuar me koronavirus, policia greke ende nuk e ka arrestuar shqiptarin, ndërsa po hetohet nëse ai ka probleme psikike.
J.GJ.//ReportTv.al