Papa Françesku nuk e lexoi predikimin që kishte përgatitur për meshën e të Dielës së Palmës. Gjatë prezantimit të riteve ai u shfaq me një zë të lodhur. Në fund të leximit të Ungjillit u mbajt një moment heshtjeje, pastaj drejtpërdrejt Kredoja pa predikimin e Papës. Është hera e parë që një Papë nuk lexon predikimin e së Dielës së Palmës.
Në meshë ishin të pranishëm 30 kardinalë, 25 peshkopë dhe 350 priftërinj. Mbi katërqind njerëz dërguan palma dhe degë ulliri. Të pranishëm në sheshin e Shën Pjetrit ishin 25 mijë besimtarë.
Në javët e fundit, Papa 87-vjeçar ka vuajtur vazhdimisht nga bronkiti dhe gripi. Papa dha vetëm një mesazh për sulmin terrorist në Moskë dhe luftën në Ukrainë e Gaza.
“Lutjet e mia shkojnë për viktimat e sulmit terrorist të kryer mbrëmjen tjetër në Moskë . Zoti i mirëpret ata në paqen e tij dhe i ngushëlloftë familjet e tyre. Dhe i ktheftë zemrat e ata që mbrojnë, organizojnë dhe kryejnë këto veprime çnjerëzore që ofendojnë Zotin, i cili urdhëroi ‘mos vrisni’”.
"Unë mendoj në një mënyrë të veçantë për Ukrainën e torturuar ku kaq shumë njerëz e gjejnë veten pa energji elektrike për shkak të sulmeve intensive ndaj infrastrukturës, të cilat, përveçse shkaktojnë vdekje dhe vuajtje, paraqesin rrezikun e një katastrofë humanitare. Le të mendojmë për Gazën që vuan kaq shumë”, tha Françesku në fund të festës.
