Koreografi Albi Nako, ka treguar në BBV3 detaje nga lidhja e tij e fundit, raportin mes tyre nga njohja në audicionet, deri tek bashkëjetesa prej katër vitesh.
Në një rrëfim me Olsi Bylykin dhe Elvis Myrtajn, ai ka treguar se ajo është balerinë, vjen nga Shkodra nga një familje e thjeshtë dhe është shumë më e re në moshë se ai.
Albi ka treguar sfidat më të cilat ajo përballej në fillimet e saj, pasi aty ku punonin të gjithë filluan ta diskriminonin, ta nëpërkëmbnin, dhe ka qenë ai që i ka qëndruar pranë, ku filluan dhe shkëndijat e para.
“Jam në lidhje me një vajzë prej gati thuajse 4 vitesh, kam qenë diskret, e kam ruajtur. Bashkëjetoj me të që në kohën e COVID-19, është Shkodrane e rritur këtu në Tiranë. Është një vajzë që vjen nga një familje e thjeshtë, e varfër ekonomikisht por shumë e pasur në shpirt, është pa baba. Është shumë më e re se unë në moshë. E kërkova unë për të ardhur tek unë në studio në audicion, një vajzë e re shumë e ndrojtur, nisi të bënte disa gjëra individuale, po e shihja, me syrin tim kishte goxha potencial edhe pse ishte e pashpresë fare. I dhashë një mundësi për të ardhur prapë, erdhi dhe filloi të asistonte në studio, në një mënyrë periferike dhe duke punuar fort. Aty ku punoja unë e nëpërkëmbnin, nuk e përfillnin, e diskriminonin, një vajzë në fillimet e veta nuk ishte trajtuar ashtu si duhet trajtuar, vinte nga një familje jo në gjendje, mua këto gjëra më çarmatosin dhe më fyejnë shumë, dhe i shoh me një tjetër sy”, tha Albi.
Albi ka treguar se ata filluan të bashkëjetonin së bashku gjatë kohë së Covid, kohë në të cilën partnerja e tij ka humbur edhe të atin. Balerini u shpreh se të dashurës së tij i ka mbetur peng që nuk mundi ta prezantonte Albin me të atin.
“Vinte në punë tek unë e vrarë nga rrethanat e familjes. Kjo më bërë që edhe të shihja ndryshe. Një vajza shumë këmbëngulëse, por edhe e bullizuar. Po e shihja me një tjetër fokus. Aty patëm bashkë edhe një shkëndijë spontane me njëri-tjetrin. Ishte një pëlqim nga të dyja palët, por pas asnjë kontakti afër, as fizik as puthje. Ishte shumë e vështirë edhe pjesa sa kishte filluar Covid, dhe në duhet të takoheshim bashkë, ishte edhe mbyllja. Në ato momente të vinte të më takonte, nuk bëhej fjalë ta linte edhe babai edhe koha. U takuam njëherë dhe më pas herën e dytë, vendosëm që të rrinin bashkë dhe të bashkëjetonim. Por pengu i saj është që një javë pas ardhjes tek unë, babai i saj ndërroi jetë nga Covidi. Këtë e ka peng edhe sot. Po të fliste më të atin për lidhjen mund të mos përqafohej shumë lehtë. E ka peng që nuk arriti që babai ta dinte dhe të më njihte edhe mua. Është një vajzë shumë e fortë dhe shumë e dashuruar me mua e unë më të", tha Albi.
