Inter Miami njofton se ka emëruar Tata Martinon si trajner të ekipit. Trajneri nga Argjentina ka fituar Kupës MLS, ka qenë dy herë trajner në Kupën e Botës, tri herë finalist në Conmebol Copa America, fitues i Kupës së Artë të Concacaf dhe ish-trajner te Barcelona dhe kombëtarja e Argjentinës. Martino do të marrë përgjegjësitë e trajnerit pas marrjes së dokumentacionit të punës, teksa do bashkohet sërish me Lionel Messin pasi kanë qenë bashkë në sezonin 2013-14 te Barça.
“Jam shumë i emocionuar që do t'i bashkohem një klubi të madh si Inter Miami dhe e di se së bashku mund të arrijmë shumë gjëra të mëdha. Klubi ka infrastrukturën e nevojshme për të qenë një konkurrent i madh në rajon dhe besoj se me punën dhe angazhimin e të gjithëve ne mund të arrijmë objektivat”, tha trajneri.
Komente
