Tirana është duke formuar grupin për në Evropë dhe për sezonin e ri. Pas zyrtarizimit të Kainës në sulm dhe Gentian Selmanit në portë, Tirana ka gjetur akordin dhe ka bindur Albano Aleksin që të hedhë firmën mbi kontratën e re për rinovimin.
30-vjeçari nga Levani ka edhe tre javë kontratë me bardheblutë, teksa duket se u josh nga një ofertë e Egnatias. Në të tilla kushte ishte një takim mes tij dhe presidentit Refik Halili, që bëri mesfushorin luftarak të ndërronte mendje dhe të qëndronte në kryeqytet.
Rinovimi i tij pritet të zyrtarizohet së shpejti, ndërsa kujtojmë se edhe trajneri Orges Shehi do jetë pjesë e skuadrës edhe për sezonin e ri. Veç tyre, Tirana duket se ka gati për të afruar në ekip edhe Edison Ndrecën nga Kukësi dhe Egzon Bejtullain e Shkëndijës. Gjithashtu ka një akord paraprak për rikthimin e Albi Dokës dhe marrjen e Liridon Latifit.
Albano Aleksi
