Talenti shqiptar i sulmit, Rocco Vata do kalojë nga Celtic B në ekipin anglez të Watford. Sky Sport në Angli bën me dije se talenti shqiptar i cili luan për moshat e kombëtares së Irlandës do jetë afrimi i radhës për klubin e Championship, i cili do paguajë 250 mijë euro për shërbimet e tij.
Rocco, i biri i Rudi Vatës, ish-kapitenit të Kombëtares, shihej si një nga talentet e Celtic dhe pritej të përfshihej në ekipin e parë. Pas lajmit për kalimin e tij në Angli, të shumta kanë qenë reagimet nga tifozët, të cilët nuk pajtohen me këtë vendim të klubit, për një nga lojtarët e së ardhmes.
Për 19-vjeçarin është gati një kontratë katër vjeçare që përfshin ekipin e parë. Mes shumë ofertave, duket se ajo e Warford ka bindur familjen Vata dhe Rudin, që është agjenti i tij.
Kujtojmë se për fantazistin ka shumë zhurmë se përse ai nuk ka zgjedhur të luaj për kombëtaren e Shqipërisë, me Rudi Vatën që është një kritik i hapur i FSHF-së.
????⚫️ Watford have agreed deal to sign 2005 born talent Rocco Vata, medical to follow on Thursday.
— Fabrizio Romano (@FabrizioRomano) July 3, 2024
Celtic will receive compensation in excess of £200k, contract until June 2028.
Exclusive story, confirmed. pic.twitter.com/oH5RIKypqX
