Drejtori i Genoas, Marco Ottolini konfirmon se klubi ka arritur një marrëveshje me Mario Balotellin, i cili do të nënshkruajë të hënë "nëse nuk ka surpriza".
Balotelli është gati të kthehet në Serie A dhe të nënshkruajë me Genoan. Italiani është pa klub që nga qershori, kur i skadoi kontrata me Adana Demirspor.
“Siç thamë, ne vlerësuam lojtarët tanë të lënduar përpara se të merrnim ndonjë vendim. Ne nuk kishim lajme pozitive për Vitinha dhe Messias dhe Ekuban gjithashtu pësoi një lëndim”, tha Ottolini për DAZN të dielën (siç citohet nga Calciomercato.com).
“Prandaj, ne vendosëm të shkojmë deri në fund për Balotellin. Presim një entuziazëm të madh; ka shfaqur dëshirë të madhe për të ardhur në Genova. Ai do të jetë një lojtar i ri i Genoas nesër nëse nuk ka surpriza. Ai ka transmetuar një pozitivitet të madh”, tha Ottolini.
Sulmuesi 34-vjeçar rikthehet të luajë në Serinë A, aty ku më parë ka qenë pjesë e Interit, Milanit, Brescias dhe Monzas. Ai ka ulur kërkesat ekonomike dhe të hënë do prezantohet në klubin e ri që drejtohet nga Gillardino.
