Manchester United është gati t’ia besojë drejtimin Ruben Amorim (39 vjeç). Mediat evropiane bëjnë me dije se është arritur akordi përfundimtar mes palëve, ndërsa pritet të bëhet zyrtarizimi.
Klubi nga “Old Trafford” nuk ka pasur rrugë tjetër për të mbërritur te marrëveshja, veçse të paguante klauzolën e lirimit të trajnerit te Sporting Lisbone. Bëhet fjalë për klauzolën 10 milionë euro, e cila ishte strikte në kontratën aktuale të Amorim me luzitanët.
Verën e këtij viti ai mund të kishte marrë drejtimin e West Ham, por klubi londinez preferoi të kthehej te Lopetegui. Sipas “Daily Mail”, ky vendim nuk kishte ardhur për shkak të ndonjë problemi ekonomiko-financiar, por të dyshimeve të shprehura nga “Hammers” mbi përvojën e mëparshme të Amorim dhe mungesën e njohurive për futbollin anglez.
Një nga detajet e marrëveshjes mes Sporting dhe Manchester United ka të bëjë gjithashtu me mundësinë që Amorim t’i drejtojë edhe tri ndeshje të tjera të skuadrës aktuale (kundër Estoril dhe Braga në kampionatin portugez dhe Manchester City në Champions League).
Pra, deri në pushimin e Ligës së Kombeve, për shkak të kualifikueseve të radhës të kombëtareve, Amorim do të drejtojë Sporting Lisbona, pastaj do të transferohet në Premier League.
Ai do të marrë detyrën e re në mes të muajit nëntor në “Old Trafford”. Deri më 11 nëntor do të vazhdojë Ruud van Nistelrooy si trajner i përkohshëm i Manchester United.
???????? Rúben Amorim can be considered new Man United manager, confirmed.
— Fabrizio Romano (@FabrizioRomano) October 31, 2024
Portuguese coach will start new #MUFC chapter during the international break;
documents to be signed this week.
Contract until 2027. Sporting to receive €10m clause — plus €1m for staff/30 days notice. pic.twitter.com/wIVcZyIL56
