Maqedonia e Veriut - Qatip Osmani është trajneri më i ri i Struga Trim dhe Lum në Maqedoninë e Veriut, ekipit kampion që disa javë më parë largoi Shpëtim Duron. Më 25 prillin e këtij viti, Osmani u shkarkua nga Vllaznia e Shkodrës edhe pse ishte brenda objektivave dhe ktheu ekipin "në binarët" e duhur.
Së bashku me Osmanin do jetë në rolin e ndihmësit edhe Bashkim Livoreka, bashkëpunëtori i tij i vjetër. Dyshja u prezantua nga drejtori sportiv Besart Isaku.
"FC Struga njofton se ka arritur marrëveshje me trajnerin Qatip Osmani. I njëjti është prezantuar sot së bashku edhe me ndihmësin e tij, Bashkim Livoreka nga ana e Drejtorit Sportiv, Besart Isaku", thuhet në njoftim.
54-vjeçari Osmani ka qenë trajner i Shkëndijës, Renovës dhe Shkupit në Maqedoninë e Veriut, teksa ka fituar tre herë titullin kampion me Shkëndijën.
Komente
