Dajan Shehi është lojtar i lirë pasi mbrojtësi e mbylli kontratën me Vllazninë. 26-vjeçari nga Elbasani ka gjetur destinacionin e ri. Shehi pritet të kalojë në elitën e futbollit rumun te Botosani. Duket se palët kanë akord mes tyre dhe firma në kontratë do jetë 2-vjeçare.
I dalë nga moshat e Teutës, Shehi për herë të dytë do provojë një përvojë jashtë Shqipërisë, teksa më herët ka qenë pjesë e Hajduk Split II. Mbrojtësi i qendrës ka luajtur në Shqipëri me Besën, Teutën, Kastriotin, Vllazninë, Partizanin dhe Skënderbeun.
Sezonin e fundit Shehi luajti 22 ndeshje me Vllazninë, 17 nga të cilat si titullar. Duket se kalimi në Rumani është një mundësi e mirë për të ardhmen e mbrojtësit, që në të kaluarën ka qenë pjesë e moshave të kombëtares shqiptare.
