Një 77-vjeçare prej ditësh rezulton e zhdukur, pasi është rrëmbyer nga ujërat e lumit Shkumbin, i cili kalon pranë banesave të fshatit Cermë e Sipërme e Bashkisë Divjakë.
Pas orëve të tëra kërkimi nga banorët dhe familjarët e saj, nuk është mundur të gjendet as trupi i saj. Familja Tirollari ka hapur dyert e mortit prej dy ditësh, ndërkohë që autoritetet vendore kanë kërkuar edhe ndihmën e polumbarëve për të mundësuar një kërkim më të specializuar.
Kërkimet janë vështirësuar edhe më shumë për shkak të intensitetit të lartë të reshjeve.
Polumbarët e Reneas janë shpërndarë në disa pika për të kërkuar trupin e të moshuarës. Sipas familjarëve ajo vuante edhe nga probleme të shëndetit mendor.
Komento
Komente
