Keni qenë ndonjëherë në Pyllin e Sodës ne Vlorë? Keni parë pamjen e dendur e të jashtëzakonshme të tij? Pishat e ngjeshura e rrënjët që kane ngritur terrenin, i japin një pamje misterioze, sikur nuk jemi në këtë planet.
Por e gjitha kjo e ka një shpjegim: Pylli i Sodës është rezultat i një projekti pyllëzimi që ka nisur që në kohën e Diktaturës. Por si çdo pyllëzim që kryhet nga dora njerëzore, pemët kërkojnë kujdes të veçantë. Pyllëzimi duhet ndjekur për të hequr pemët e tepërta e të sëmura e për t’i lënë vend pemëve më të forta.
Por pas viteve ‘90 ky pyll u la pas dore dhe asnjë seleksionim shkencor nuk u realizua në të, duke bërë që pemët e ngjeshura të luftojnë për ekzistencë me njëra-tjetrën ashtu si dhe rrënjët nën to.
Sot Pylli i Sodës mund të jetë një atmosferë unike për një turizëm të veçantë: pista biçikletash, lokale në respekt të mjedisit, mund të krijojnë një atraksion turistik e shërbim për qytetarët e zonës.