Tiranë- Përndjek 24-vjeçaren deri te pallati ku jetonte dhe në largim e sipër i vë zjarrin kabinës elektrike në zonë, duke i lënë pa energji elektrike.
Ngjarja ka ndodhur në zonën e Kombinatit, kurse Policia e Tiranës njoftoi sot (30 maj) se ka arrestuar 28-vjeçarin e dyshuar për aktin kriminal.
“Specialistët për Hetimin e Krimeve të Komisariatit të Policisë Nr. 6 arrestuan shtetasin A. B., 28 vjeç, pasi ka përndjekur deri në pallatin e saj një 24-vjeçare. Gjatë largimit nga pallati ka djegur një kabinë elektrike, duke shkaktuar humbje të energjisë elektrike në të gjithë pallatin”, bëri me dije policia për dinamikën e ngjarjes dhe rrethanat e saj.
Pas prangosjes dhe veprimeve hetimore paraprake, dosja i kaloi Prokurorisë së Tiranës për hetime të mëtejshme proceduriale.
Komente
