Një pilot i “Southwest Airlines” është futur nga dritarja e kabinës së avionit të tij pasi një klient mbylli pa dashje derën e kabinës së fluturimit.
Nuk është asnjëherë argëtuese të ngelesh jashtë, kur padashje është e mbyllur dera e shtëpisë apo e makinës dhe duhet të presësh ose të gjesh një zgjidhje për tu futur brenda.
Aspak argëtuese nuk mund të jetë as kur ngel jashtë avionit.
Kjo ngjarje e pazakontë, sikur të ishte pjesë xhirimi të një filmi i ka ndodhur një piloti të linjës “Southwest Airlines” në SHBA, të cilit iu desh të zvarritej përmes dritares pasi një klient mbylli pa dashje derën e kabinës së fluturimit.
Një pasagjer që po bëhej gati të hipte në avion për fluturimin nga San Diego në Sacramento fotografoi momentin e rrallë kur piloti po zvarritej përmes dritares për të hyrë në kabinë që të hapte derën.
