TIRANË- Një ngjarje e rëndë është regjistruar në orët e para të mëngjesit të kësaj të mërkure në Tiranë. Një foshnje e porsalindur ka ndërruar jetë në maternitetin e ri të Tiranës.
Detajet janë të pakta, ndërsa referuar njoftimit paraprak të policisë gjithka ka ndodhur si pasojë e përkeqësimit të shëndetit por babai i foshnjës A. Z , 26 vjec, ka bërë një kallëzim ndaj mjekëve në komisariatin, me pretendimin se nuk i kanë dhënë kujdesin e duhur mjekësor.
Policia ka nisur hetimet për të zbardhur në mënyrë të plotë rrethanat e vdekjes së foshnjës. Ndërkohë Report TV u interesua për ngjarjen në maternitetin “Koco Gliozheni”, por nuk mori asnjë përgjigje.
“Paraprake: Më datë 28.07.2021, rreth orës 00:40, në maternitet, një foshnje e porsalindur dyshohet se si pasojë e përkeqësimit të shëndetit ka ndërruar jetë. Grupi hetimor vijon punën me veprimet për përcaktimin e shkakut të vdekjes dhe dokumentimin e plotë të ngjarjes”, njofton Policia.
Komente
