Bulqizë-Një banesë në katin e parë të një pallati në Bulqizë është përfshirë nga flakët, mëngjesin e sotëm rreth orës 09:10.
Për pasojë ka ndërruar jetë Xhevdet Cara rreth 80 vjeç.
Burime për Report Tv bëjnë me dije se viktima jetonte vetëm me bashkëshorten e cila nuk ishte aty në mometin e ngjarjes.
Policia ndodhet në vendngjarje për zbardhjen e plotë të rrethanave.
“Mëngjesin e sotëm, rreth orës 09.10, në qytetin e vjetër Bulqizë, në katin e parë të një pallati, në banesën e shtetasit Xhevdet Cara, ka rënë zjarr.
Menjëherë kanë shkuar shërbimet zjarrfikëse dhe shërbimet e Policisë ku kanë bërë të mundur nxjerrjen nga banesa të shtetasit Xhevdet Cara, i cili ka humbur jetën në spital”, informoi sot policia.
Komento
Komente
