DURRËS- Një ngjarje e rëndë ka ndodhur në Durrës, pasi një 29-vjeçare ka ndërruar jetë 5 ditë pas lindjes. Viktima është identifikuar si Ardita Muça nga Arapaj. E reja ka lindur fëmijën e dytë, djalë me datën 30 qershor në maternitetin e Durrësit dhe lindja është kryer me operacion. Mësohet se 29-vjeçarja deri me datën 4 korrik ka qenë e shtruar në spital dhe pasi ka lënë spitalin ka shkuar në banesë.
Me datën 5 korrik, teksa ka qenë në shtëpi me motrën e saj, në rrethana të çuditshme, sipas raportimeve të familjarëve, ka pirë ujë të ftohtë dhe më pas ka rënë për tokë duke gjetur vdekjen e menjëhershme. Sipas policisë ka mbërritur në spitalin Rajonal pa shenja jete.
Trupi është dërguar në morgun e spitalit të Durrësit për t'iu nënshtruar një ekspertize mjeko ligjore më të specializuar. Sakaq familjarët e 29-vjeçares kanë bërë denoncim në polici, ku akuzojnë bluzat e bardha për mjekim të pakujdesshëm.
'Më datë 05.07.2021, rreth orës 20:00, jemi njoftuar se ka mbërritur pa shenja jete në spitalin rajonal Durrës shtetësja A. H., 29 vjeçe, banuese në Shkallnur. Trupi i viktimës ndodhet në morgun e spitalit për t'iu nënshtruar një ekspertize mjeko ligjore më të specializuar. Materialet i kaluan Prokurorisë së Rrethit Gjyqësor Durrës për veprime të mëtejshme dhe grupi hetimor po punon për zbardhjen e ngjarjes.'- njofton policia.
Lajmërimi i varrimit për 29 vjeçaren
Komente
Aq i ftohte duhet te kete qene uji sa i ka shkaktuar infarkt miokardi ngushullime familjes Zoti ju dhente force qe te perballojne dhimbjen mjere ata dy femije qe do te rriten pa dashurine dhe ngrohtesine e nenes.
Përgjigju