GREQI- Një punonjës supermarketi në Greqi është vënë në pranga pasi i janë gjetur 2.5 milionë materiale pornografike. Mediat greke zbuluan detajet tronditë dhe thanë se i arrestuari i cii është lënë nga autoritetet në paraburgim, pasi ky është rasti më i madh i pornografisë së fëmijëve për sa i përket sasisë së dosjeve.
Autoritetet bëjnë me dije për Zougla.gr se autori është arrestuar më 6 qershor.
Sipas të dhënave ai kishte filluar të grumbullonte materiale pornografike rreth 20 vite më parë dhe përmbajtja ishte për fëmijët nga 3 vjeç e lartë.
I arrestuari jetonte në shtëpinë e prindërve të tij, ndërsa ende nuk dihet nëse fitonte para nga materialet që dispononte apo ishte i fiksuar pas pornografisë me të mitur.
Sipas mediave greke kjo do të provohet pasi hetuesi pritet të urdhërojë hapjen e llogarive bankare, ndërsa provat dixhitale do t’i dërgohen Në/Drejtorisë së Hetimeve Kriminologjike të Greqisë Veriore për ekzaminim të mëtejshëm laboratorik.
Detajet që çuan Drejtorinë e Krimeve Kibernetike drejt hetimeve të mëtejshme erdhën nga Europol, në kuadër të një operacioni në rrjetin e errët të internetit (Darknet) të kryer nga autoritetet franceze në fillim të vitit të kaluar.
