Maliq- Një ngjarje e rëndë ka ndodhur mbrëmjen e sotme në Maliq.
Si pasojë e një aksidenti ka humbur jetën bujku 61-vjeçar, i identifikuar si Sejfulla Gjata.
Ngjarja ndodhi teksa mjeti i tij zetor, me të cilin udhëtonte, është përmbysur në rrugën dytësore të fshatit dhe e ka zënë nën vete.
Policia vendore njoftoi se aksidenti ka ndodhur në fshatin Moglicë, rreth orës 18:20.
“Një mjet bujqësor që drejtohej nga shtetasi S. Gj., (Sejfulla Gjata) 61 vjeç, në rrethana ende të paqarta është përmbysur. Si pasojë, drejtuesi i mjetit bujqësor ka ndërruar jetë", njofton policia.
Gazetari i Report TV, Armand Braho, informon se Sejfulla Gjata është rrëzuar me mjetin zetor, në aksin dytësor Moglicë-Zerec. Sipas informacioneve, ngjarja ka ndodhur në një rrugë rurale, ku mjeti ka marrë mprapsht dhe është përmbysur.
Grupi hetimor po punon për sqarimin e rrethanave dhe shkaqeve të aksidentit.
Komente
