Kronikë

E rëndë në Patos/ Dyshohet se kryente marrëdhënie me të bijën, arrestohet babai: Ka ndodhur vetëm një herë! Nëna: Është abuzuar sistematikisht që 5-vjeçe

Një ngjarje tronditëse raportohet në Patos, ku një 12 vjeçare është abuzuar seksualisht, brenda familjes, aty ku duhet të ishte streha më e sigurt për të. 12-vjeçarja e ka vuajtur abuzim sistematik seksual që nga mosha 5 vjeçare, derisa mori guximin të dalë prej kthetrave të të atit pedofil. Ai tashmë është arrestuar dhe ka pranuar para hetuesve ka kryer marrëdhenie me të bijën, por se kjo ka ndodhur vetëm një herë.

1 Korrik, 10:14| Përditesimi: 1 Korrik, 16:41

  • Share

PATOS- Një vajzë 12- vjeçe është përdhunuar nga babai i saj në një fshat të Patosit. Ngjarja e rëndë është denoncuar nga vetë e mitura, duke çuar në prangosjen e 36-vjecarit, i cili ka pranuar krimin tronditës gjatë marrjes në pyetje nga hetuesit.

Në prani të psikologes, e mitura ka pohuar se i ati e ka përdhunuar në banesë dhe ajo ka arritur të shkojë tek fqinjët për të kërkuar ndihmë në orët e para të mëngjesit.

Gjatë marrjes në pyetje e mitura ka dëshmuar se babai ka kryer marrëdhenie seksuale me forcë, në mënyrë sistematike që nga mosha 5-vjeçare, duke përmendur dhe një episod në Gjermani ku kishin emigruar para një viti. Ndërsa 36-vjeçari, ka pretenduar se e ka kryer aktin e rëndë vetëm një herë. Sakaq janë kryer dhe ekzaminimet mjekësore, të cilat provojnë abuzimin seksual.

Nëna e të miturës, mes lotëve thotë se nuk ka patur dijeni më herët dhe gjithçka e ka mësuar pas denoncimit të së bijës.

Ndërkohë 30- vjeçarja në këtë situatë ka mbetur mes 4 rrugëve, pasi vetëm i shoqi ishte i punëuar në ndërtim. Ajo kërkon dënimin e tij maksimal e nga ana tjetër apelon për ndihmë, pasi është pa punë dhe nuk mundet të rrisë e vetme 7 fëmijët e vegjël.

Institucionet shtetërore kanë strehuar 12-vjeçaren në një qendër për trajtimin e viktimave të dhunës seksuale në kryeqytet. 

Pas publikimit të kësaj ngjarje ka reaguar edhe Bashkia e Fierit, ku i ka ofruar 30-vjeçares një ndihmë ekomomike me vlerë 2 milionë lekë të vjetra, akomodimin e së resë së bashku me fëmijët në një banesë ku qiranë do ta paguajë bashkia dhe një punë në një nga ndërmarrjet e bashkisë.

Xh.K/I.M/ReportTv.al
Komento

Komente

  • Iris: 02/07/2025 03:20

    /Akti eshte kryer vetem nje here/,thote babai! Po pse /nje here/ e nuk eshte asgje,e duhesh falur?! Po ke perdhunuar nje femije,femijen tend,pak te duket?! /Nje here/ del e tepron jo vetem me nje femije,por dhe nje te rritur per t'a shkaterruar shpirterisht e fizikisht.Vleresoj vajzen qe gjeti kurajon te bente denoncimin,megjithese do te ishte mire t'a kishte bere me pare,qe ne Gjermani,sepse ligjet atje jane me te ashpra!

    Përgjigju
  • Turp: 01/07/2025 19:33

    Po e turperoni fierin , turp ! Turp! Prandaj Esat Pashe Toptani beri kryqytet Tironen me ksulë dhe jo lalucët e zones Fier Lushjne

    Përgjigju
  • Gjygjesi popullore: 01/07/2025 17:15

    Vareni kriminelin ne mes te fierit

    Përgjigju
  • Sondazhi i ditës:

    I nxehti ekstrem, duhet të marrë masa Shqipëria për të mbrojtur qytetarët?