Roskovec-Një vajzë 4-vjeçe ka gjetur vdekjen teksa ka qenë duke luajtur pranë murit rrethues të banesës së saj në fshatin Suk 2.
Burime për Report Tv pohojnë se muri është shembur e për pasojë vogëlushja ka gjetur vdekjen e menjëhershme.
Personat që kanë parë incidentin fatal për të miturën i kanë dhënë ndihmën e parë mjekësore, por pa asnjë rezultat.
Të njëjtat burime bëjnë me dije se fatkeqësisht vogëlushja është dërguar në spital pa shenja jete.
Rreth orës 12:40, në fshatin Suk 2, Roskovec, dyshohet se është shembur një mur rrethues në pronësi të shtetasit L. T., dhe për pasojë ka zënë poshtë vajzën e tij të mitur rreth 4 vjeçe, e cila ka ndërruar jetë.
Grupi hetimor po punon për zbardhjen e rrethanave të ngjarjes.
Komento
Komente
