Pamje nga vendngjarja dhe pasojat e zjarrit në banesë

Kronikë

E rëndë në Tiranë, zjarri shkrumbon banesën, vdes i moshuari! 75-vjeçari i sëmurë, jetonte në mjerim i vetëm dhe mblidhte kanaçe (EMRI)

Ngjarja ka ndodhur sot, rreth orës 20:00, në rrugën “Myzafer Spaho”, viktima jetonte duke mbledhur kanoçe dhe në kushte të mjerueshme. Vuante dhe nga probleme të shëndetit mendor. Policia bëri me dije se dyshohet se aksidentalisht ka rënë zjarr në banesën private të 75-vjeçarit, i cili jetonte i vetëm në banesë. Nisin hetimet 

19 Janar, 21:51| Përditesimi: 19 Janar, 23:38

  • Share

TIRANË- Zjarri shkrumbon banesën në lagjen "Allias" të kryeqytetit, duke i marrë jetën një të moshuari që jetonte aty i vetëm.

Ngjarja ka ndodhur sot (19 Janar), rreth orës 20:00, në rrugën “Myzafer Spaho”.

Policia bëri me dije se dyshohet se aksidentalisht ka rënë zjarr në banesën private të shtetasit Ramazan Karimanit, rreth 75 vjeç, i cili kishte edhe probleme shëndetësore. 

"Si pasojë e zjarrit, 75-vjeçari ka humbur jetën. Grupi hetimor ndodhet në vendngjarje dhe po punon për sqarimin e rrethanave  dhe dokumentimin ligjor të rastit", njoftoi policia.

Gazetari i Report TV, Sokol Dema, informon se Ramazan Karimani dyshohet se vuante nga probleme të shëndetit mendor. Sipas hetuesve jetonte në kushte të mjerueshme dhe për të mbijetuar mblidhte kanaçe. 75-vjeçari sapo ishte kthyer në banesë dhe kishte ndezur një zjarr, i cili më pas ka përfshirë dhe banesën. Jetonte i vetëm në Allias.

Mbetet e panjohur ende dinamika e vatrës dhe shkakut të zjarrit, teksa priten rezultatet e ekspertimit piroteknik dhe detajet e tjera.

A.Q/SI.E./ReportTv.al
Komento

Komente

  • Sondazhi i ditës:

    A duhen bërë publik emrat e politikaneve që kanë përdorur Sky Ecc?