Një tjetër krim i rëndë në familje ka ndodhur në radhët e emigrantëve shqiptarë. Këtë herë ngjarja e rëndë ka ndodhur në Gjermani, ku një grua me origjinë shqiptare nga Kosova është qëlluar për vdekje nga ish-bashkëshorti i saj. Ngjarja ka ndohur përpara syve të fëmijëve.
Mediet gjermane njoftojnë se 30-vjeçarja Emine A., nënë e katër fëmijëve u qëllua me gjakftohtësi natën e së hënës në qytetin gjerman Salzgitter, nga ish bashkëshorti i saj, Anton B. 38-vjeç, nga Kosova, i cili është arrestuar nga policia disa orë pas krimit.
Burime nga mediet gjermane bëjnë me dije se çifti kishte mosmarrëveshje të përhershme,por 6 muaj më parë mardhënia e tyre përfundoi. Përveç vdekjes së Emines, dyshohet se autori ka plagosur edhe motrën e ish- bashkëshortes.