Një histori po aq e trishtë sa edhe e bukur ka bashkuar jetën enjë mësuesi me familjen Koebecke. Një nxënës i klasës së gjashtë mundi të fitonte një shans të dytë për të jetuar, pasi mësuesi i tij i dhuroi veshkën.
Kaden, djali i familjes Koebecke u diagnostikua me sëmundjen e veshkave që në moshën 2-vjeçare. Në moshën 5-vjeçari ja dhuroi i ati veshkën por trupi i tij e refuzoi organin brenda një javë duke u vendosur në dializë për një periudhë të gjatë kohore.
Teksa vitet kalonin, gjendja e të voglit përkeqësohej dhe në moshën 12-vjeçare mjekët thanë se Kaden kishte nevojë për një transplant tjetër, po nga një donator i gjallë.
Mësuesi i teknologjisë në Akademinë Kristiane në Grace, William Wilkinson vendosi t’i dhuronte veshkën e tij, pasi sipas tij, ndihej i detyruar. Kjo, për shkak se i biri i mësuesit mundi të fitonte ndaj të njëjtës sëmundje kur ishte vetëm 2 vjeç. 44-vjeçari vendosi të bënte analizat dhe kur mësoi se mund t’ia dhuronte veshkën nxënësit të tij, ishte aq i lumtur sa vendosi t’ia jepte vetë lajmin familjes Koebecke. Transplanti i veshkës u bë ditën e martë në Spitalin Egleston dhe rezultoi me sukses.
Komente
