Menjëherë pas humbjes turpëruese 3-0 kundër Besëlidhjes në Kupë të shumta kanë qenë komentet negative në faqen e Partizanit në rrjetet sociale. Ndër komentuesit ka qenë edhe Matia Lerda, djali i Franco Lerdës, trajnerit të shkarkuar në dhjetor nga Partizani pas humbjes në derbi.
Matia fillimisht ka deklaruar se kjo ndodh kur të kuqtë largojnë nga pankina një profesionist si i ati i tij, ndërsa më pas ka shtuar se futbollistës që janë te Partizani mendojnë vetëm për të marrë paratë nga presidenti Gaz Demi.
Postimi i Matia Lerda-s:
“Bravo, keni kritikuar kush ju mësonte çfarë ishte futbolli. Në vend që të mësonit, vetëm kritika, vazhdoni kështu se futbolli shqiptar rritet! U preferua të mbaheshin në staf persona që mendonin vetëm për të mirën e tyre dhe të marrin para nga Gazi, që flasin shumë por që vlejnë pak, ky është fundi që zgjodhët, bravo.
Nuk e kuptuat që skuadra ishte mes të parave sepse kishte një trajner që skuadra të tjera nuk e kane, e larguat, ja shkatërrimi. Kampionë, kampionë, kampionë, çdo vit fillohet nga zero, Tirana dhe Kukësi janë skuadra shumë të forta, asgjë nuk është e sigurt. Mendjemadhësia e solli këtë,”- u shpreh Matia, djali i Franko Lerdës.
Komente
