Emri i një 16-vjeçreje, Chloe Robson ka përfunduar në të gjitha faqet e njohura të shtypit mbarëbotëror, duke qenë kështu një shembull për mijëra fëmijë dhe adoleshentë që kanë rënë pre e e bullizmit në shkollë, familje dhe më gjerë.
Robton është vënë gjithmonë në qendër të kritikave, ofendimeve dhe poshtërimeve nga shokët e saj të shkollës që në moshën 7-vjeçare për shkak të mbipeshës, një situatë të cilën e ka vuajtur gjatë gjithë kohës. Situata kishte arritur deri aty sa ajo kishte menduar të mos merrte pjesë në mbrëmjen e maturës pasi nuk do donte të provonte sërish atë që kishte kaluar tërë këto vite.
Por ishte xhaxhai i saj Grant Robson, një agjent marketingu, i cili e bindi jo vetëm që të merrte pjesë dhe të ndihej krenare për atë që ishte, por i dhuroi edhe surprizën më të bukur që mund të ëndërrojë një adoleshente.
Ndërkohë që në përgjithësi adoleshentët shfaqen në mbrëmjen e maturës e një shoqëruar, Chloe bëri një hyrje madhështore me plot 120 të tillë. Xhaxhai i saj arriti që brenda pak ditësh të krijonte një grup motorristësh ‘’Bikers Against Bullies’’, të cilët iu bashkuan kauzës së tij dhe pranuan të ishin shoqëruesit e nderit, për Chloe-n.
“Isha shumë e emocionuar se do shkoja në mbrëmjen e maturës dhe për reagimin që do merrja. Ishte një tronditje kur të gjithë dëgjuam zhurmën e motorave dhe u shfaqën motoristët. Nuk e prisja por më bëri të ndihesha e mbështetur dhe të kisha vetëbsim. Ata më rrethuan makinën dhe më dërguan në shkollë si eskortë. Të gjithë më pritën me duartrokitje, përfshirë mësuesit dhe familjarët e studentëve të tjerë. Ishte një moment i papërshkrueshëm”, -tha ajo për ‘’Daily Mail”.