Emri i Angel Correa-s ka qenë ndër më të përmendurit në merkaton e verës pasi argjentinasi ishte objektivi i Milanit, skuadrës që në fund nuk arriti ta bënte të vetin futbollistin.
Mediat në Spanjë, konkretisht gazeta ‘AS’, ka shkruar edhe për arsyet që Correa mbeti pjesë e Atletico Madrid edhe për këtë sezon që sa po ka nisur. Arsyeja e parë ka qenë kërkesa e spanjollëve për 55 mln euro, por gjithsesi ata u zbutën falë strategjisë së Milanit që vendosi të priste, duke e çuar vlerën e kartonit në 45 mln euro.
Gjithsesi pas tejkalimit të kësaj problematike erdhi edhe një tjetër. Milan në fund synoi ta transferonte Correa-n me formulën e huazimit, duke e kërkuar për 2 vite dhe më pas do të vensote nëse do ta blinte apo. Kaq ka mjaftuar që presidenti i Atletico Madrid të acarohet dhe ti mbyllë përfundimisht derën kësaj mundësie.
Mos largimi i Correa-s pati edhe pasojë për Atletico Madrid pasi klubi më pas nuk gjeti fondin e nevojshëm për të blerë nga Rodrigo-n nga Valencia.
Komente
