“E urrej punën time”, rrëfehet Adrola Dushi: Hipokrizi dhe shtirje maksimale

Modelja me origjinë shqiptare ka folur për punën e saj që bën në New York. Adrola Dushi tha se e urren faktin që quhet modele për faktin që Instagrami është mbushur me femra që tregojnë luksin dhe perfeksionin dhe kjo gjë nuk i pëlqen.

Redaksia

27 Nëntor 2018, 20:52| Përditesimi: 27 Nëntor 2018, 20:57

Adrola Dushi është një nga modelet shqiptare të njohur në të gjithë botën. E ftuar në emisionin “Pasditja ime”, modelja tregoi se i është dashur të bëjë shumë sakrifica për të arritur aty ku është sot. Por tashmë punon vetëm 4 muaj në vit (qershor, shtator, dhjetor, shkurt) për të siguruar të ardhurat e nevojshme për të plotësuar jetën e ëndrrave.

Ajo tregoi se në këtë periudhë e urren punën e saj. “Sinqerisht e urrej punën time, e urrej të quhem miss dhe modele duke parë se çfarë ndodh përreth në Instagram. Hap profilin dhe shikoj lloj lloj njerëzish dhe më shpifet vetja. Unë i njoh shumë mirë si janë në të vërtetë, ndërsa në rrjetet sociale tregojnë luksin dhe perfeksionin,”- tha Dushi.