ITALI- Në Itali vijojnë shifrat e larta në përballje me koronavirusin. Sipas raportit te nxjerrë nga Ministria e Shëndetësisë gjatë 24 orëve të fundit janë regjistruar 28.352 qytetarë pozitiv me virusin dhe 827 persona kanë humbur jetën.
Ditën e sotme pasi i janë nënshtruar tamponit kanë rezultuar negativ me koronavirusin 35,467 persona, një shifër e cila e tejkalon atë të infektimeve dhe është një lajm pozitiv.
Conte, kryeministri i Italisë gjatë një konference për shtyp para dy ditësh ka folur në lidhje me marrjen e masave të reja gjatë festave të fund vitit, me qëllim mbajtjen nën kontroll të pandemisë.
Megjithatë Italia qëndron “kampione” e rasteve me COVID-19 si në Evropë ashtu edhe në botë ku zë edhe vendin e tetë, për sa i përket infektimeve dhe viktimave nga virusi.
