U bëre komunist nga Giorgio Gaber (përshtatur)
U bëre komunist sepse u linde në Tepelenë.
U bëre komunist sepse gjyshi, xhaxhai, babi, ishin komunista, mami jo.
U bëre komunist sepse u ndjeve i vetmuar.
U bëre komunist sepse ishe besimtar.
U bëre komunist sepse kinemaja, teatri, piktura, leteratura, ta kërkonin të bëheshe.
U bëre komunist sepse ashtu të thanë.
U bëre komunist sepse nuk t'i thanë të gjitha.
U bëre komunist sepse kohë më parë ishe bëre fashist.
U bëre komunist sepse Sejfulla Malëshova ishte njeri i mirë.
U bëre komunist sepse Sali Kulla ishte njeri i keq.
U bëre komunist sepse ishe i pasur, por të dhymysej populli.
U bëre komunist sepse pije verë dhe të pëlqenin ahengjet.
U bëre komunist sepse nuk e besoje Zotin, dhe tu desh një Zot tjetër.
U bëre komunist sepse aq të mahnisnin puntorët sa tu tek të bëheshe njëri prej tyre.
U bëre komunist sepse të lodhte puna.
U bëre komunist sepse të duhej rritje rroge.
U bëre komunist sepse tu duk se me sot me nesër revolucioni do shpërthente.
U bëre komunist sepse borgjezia, proletariati, lufta e klasave...që i hëngërt mortja të gjitha.
U bëre komunist për ta torturuar babain.
U bëre komunist duke parë Syri tv.
U bëre komunist sepse tu tek të shtetëzoje gjithçka.
U bëre komunist sepse Materializmi Dialektik tu duk si Ungjilli sipas Leninit.
U bëre komunist sepse të doli në ëndërr se puntorët do të besonin.
U bëre komunist sepse s'të zuri syri asgjë më të mirë rretherrotull.
U bëre komunist sepse më keq se ne është vetëm Uganda.
U bëre komunist sepse nuk munde ta durosh më gjatë Partinë Demokratike plot me mafioza dhe bastarda.
U bëre komunist sepse piramidat, Gërdeci, katër të vrarët në bulevard, e të tjera e të tjera.
U bëre komunist sepse të erdhi në majë të hundës nga kjo gjë e shpifur që e quajnë Demokraci.
U bëre komunist sepse ëndërrove një liri të ndryshme nga ajo amerikane./Marr nga profili i autorit në Facebook
Komente
