Anësori i Lille në Francë, Edon Zhegrova ka informuar presidentin Olivier Letang për vendimin e tij për të mos vazhduar kontratën që skadon në verën e 2026, duke i hapur rrugën një largimi gjatë merkatos që vjen.
Duke folur për Radio Dukagjinin, shqiptari ka konfirmuar se koha e tij me klubin e Ligue 1 do të përfundojë.
“E informova klubin se nuk do të rinovoj kontratën time. Do të shohim se çfarë do të ndodhë këtë verë, por klubi është informuar për dëshirën time. Nuk do ta rinovoj kontratën”, ka thënë Zhegrova.
Ndërkohë mediet në Francë kanë reaguar pas këtij lajmi dhe kanë konfirmuar se Lille kërkon 40 milionë euro për ta lënë të lirë Zhegrovën. Juventusi dhe Napoli janë pas tij, me këta të fundit që e shohin si zëvendësuesin e të larguarit Kvaratskhelia.
Zhegrova i kushtoi Lille 7 milionë euro dhe u ble nga radhët e Basel. Prej gjysmës së dytë të sezonit 2021-2022, ai ka shënuar 26 herë, për t’u shndërruar në një pikë fike për formacionin.
Komente
