Më 19 dhjetor 2025, mandati i Altin Dumanit si drejtues i SPAK-ut përfundon juridikisht. Po çfarë mendojnë shqiptarët e thjeshtë për një rinovim të mandatit të tij pas dhjetorit? Për ta testuar këtë pyetje, zhvillova një sondazh të shpejtë, duke e shpërndarë linkun e pyetësorit me 2000 SMS krejt të rastësishme në të gjithë territorin e vendit.
Plot 58.1% e 1687 të anketuarve që e plotësuan pyetësorin e donin rinovimin e mandatit për Dumanin (shihni grafikun e mëposhtëm). Ndër 41.9% që nuk e donin rinovimin, shumica dërrmuese ishin votues të PD-ASHM dhe të PS (fare pak ishin votues të partive të tjera ose mosvotues).
Meqë prokurorëve të SPAK-ut në përgjithësi po u afrohet data e mbarimit të mandatit, futa në pyetësor edhe pyetjen “A mendoni se prokurorëve të SPAK-ut duhet t'u jepet edhe një mandat tjetër pas 9 vjetësh në detyrë?”
Vetëm 53.3% e 1687 të anketuarve që e plotësuan pyetësorin e donin rinovimin e mandatit për prokurorët e SPAK-ut (shihni grafikun e mëposhtëm). Ndër 46.7% që nuk e donin rinovimin, shumica dërrmuese ishin votues të PD-ASHM dhe të PS. Por jo pak ishin votues të partive të vogla ose mosvotues.
Komente
Të kishte mbyllur dosjen e 21 janarit do e meritonte 75%. Pa 21 janarin ska rizgjedhje.
Përgjigju