Shfaqja e trombozave pas marrjes së vaksinës anti-COVID të Johnson & Johnson doli në pah një detaj që kapi vëmendjen e shumë personave: të gjithë individët e prekur ishin gra.
Gjashtë rastet, mes të cilave një viktimë, përfaqësojnë një numër jashtëzakonisht të vogël në raport me më shumë se 6.8 milion të të vaksinuarve që janë administruar deri më tani në të gjithë SHBA.
Dhe zyrtarët e shëndetit publik kanë theksuar se nuk është e qartë nëse mpiksja e gjakut është shkaktuar nga vetë vaksinat ose nëse gratë ose ndonjë nëngrup ka më shumë të ngjarë të shfaqë më shumë efekte anësore.
Dr William Schaffner, profesor i sëmundjeve infektive në Qendrën Mjekësore të Universitetit Vanderbilt, thekson se pavarësisht nga fakti se të gjashtë raportet e çrregullimit të rrallë të mpiksjes së gjakut pas vaksinës Johnson & Johnson janë gra, ekziston jo informacion i mjaftueshëm për të përcaktuar nëse kjo do të thotë se gratë mund të preken më shumë.
"Ajo që dimë është se tromboza është më e zakonshme tek gratë sesa tek burrat, por gjithsesi është një sëmundje shumë, shumë e rrallë," shtoi ai.
Administrata Amerikane e Ushqimit dhe Barnave (FDA) ka theksuar se këto mpiksje të veçanta të gjakut, janë të rralla, me agjencinë që vëren se janë vërejtur në kombinim me nivele të ulëta të trombociteve të gjakut, me simptoma të tilla si dhimbje koke, pamje të turbullt, të fikët.
Ndërkohë institucionet shëndetësore kanë deklarua se përfitimet e vaksinave janë përherë më të mëdha se mungesa e tyre.
Por, a i përjetojnë gratë vaksinat ndryshe?
Pavarësisht se të pakta, fakti që incidentet e mpiksjes së gjakut deri më tani janë vërejtur vetëm në gratë që morën vaksinën Johnson & Johnson duket se ka shkaktuar diskutime më të gjera rreth mënyrave në të cilat gratë ndikohen nga vaksinat, përfshirë vaksinën anti COVID-19 krahasuar me burrat.
Në një studim paraprak, studiuesit zbuluan se gratë po raportonin reagime më të padëshirueshme ndaj dozave të vaksinës sesa burrat dhe simptomat më të zakonshme të raportuara ishin dhimbje koke, lodhje dhe marramendje.
Studimi, zbuloi se ndërsa gratë kishin marrë 61 përqind të dozave të vaksinave, ato përbënin 72 përqind të raporteve të efekteve anësore.
Një shpjegim i mundshëm që është paraqitur është se estrogjeni mund të prodhojë një përgjigje më të fortë imune, e cila mund të rrisë ndikimin e efekteve anësore.
‘Aspak e befasuar’
Sabra Klein, një mikrobiolog dhe imunologe në Shkollën e Shëndetit Publik Johns Hopkins Bloomberg, deklaroi për The Times se ajo "nuk ishte aspak e befasuar" nga gjetjet e studimit.
"Kjo gjetje është plotësisht në përputhje me raportet e kaluara të vaksinave të tjera", tha ajo.
Në të vërtetë, në një studim të vitit 2013, studiuesit zbuluan se gratë kishin më shumë të ngjarë të vuanin reagime negative ndaj vaksinës kundër gripit të derrit në 2009 krahasuar me burrat, edhe pse më shumë burra morën vaksina.
Ndërkohë, një studim që analizonte të dhënat nga 1990 në 2016 zbuloi se gratë përbënin 80 përqind të të gjitha reagimeve ndaj vaksinave tek të rriturit.
Ata vunë në dukje se është sugjeruar që estrogjeni mund të luajë një rol në ndikimin në mënyrën se si gratë përjetojnë efekte anësore të vaksinave.
